Një tjetër rezultat surprizë është regjistruar në ndeshjen mes Portugalisë dhe Republikës Demokratike të Kongos. Sfida e zhvilluar në stadiumin “Houston”, përfundoi në barazimin 1-1.
“Luzitanët” gjetën golin e avantazhit që në minutën e 6-të të pjesës së parë përmes mesfushorit Joao Neves i cili goditi saktë me kokë pas një krosimi të saktë nga ana e Pedro Netos.
Epërsia e tyre zgjati deri në minutat e fundit të shtesës së pjesës së parë, kur Yoane Wissa shënoi golin e barazimit.
Me të njëjtin rezultat u mbyll dhe fraksioni i dytë i ndeshjes, duke bërë që Ronaldo me shokë ta nisin këtë Kupë Bote me një rezultat jo fort të kënaqshëm, ndërsa në anën tjetër, debutuesit e këtij turneu marrin një pikë tejet të çmuar në grupin K.
Ndeshja e ardhshme në këtë grup do të luhet mes Uzbekistanit dhe Kolumbisë, prej orës 04:00 të mëngjesit të së enjtes.
Portugali 1-1 Kongo (Neves 6'/ Wissa 45'+5)
Botërori 2026: Grupi K
Stadiumi: "Houston Stadium"
Arbitër kryesor: Abdulrahman Al Jassim (arab)
FORMACIONET ZYRTARE:
PORTUGALI (4-2-3-1): Costa; Cancelo, Araujo, Veiga, Mendes, Neves, Vitinha, Silva, Fernandes, Neto, Ronaldo. Trajner: Roberto Martinez.
REPUBLIKA DEMOKRATIKE E KONGOS (5-3-2): Mpasi-Nzau; Wan-Bissaka, Mbemba, Tuanzebe, Kapuadi, Masuaku, Moutoussamy, Mukau, Kayembe, Bakambu, Wissa. Trajner: Sebastien Desabre.
NDESHJA
Mbyllet pjesa e dytë, Portugali 1-1 Kongo
Nis pjesa e dytë.
Mbyllet pjesa e parë.
45'+5 GOL Kongo! Wissa i shtang të gjithë dhe kthen ekuilibrat përballë Portugalisë.
6' GOL Portugalia! Neves shënon saktë me kokë në aksionin e parë të portugezëve.
1' Shkelmohet topi i parë, nis takimi mes Portugalisë dhe Kongos.
Lexo gjithashtu
