Nesër në mbrëmje rikthehet Serie A për të luajtur sfidën Udinese-Milan e vlefshme për javën e 32-të të kampionatit. Një përballje delikate kjo për ekipet që kërkojnë rikthimin tek rezultatet pozitive. Në prag të duelit të nesërm, trajneri i Milanit, Sergio Conceicao ka dalë në konferencë për shtyp për mediat.
“Ndeshjet fitohen që në minutën e parë, duhet të jesh i përqendruar. Po vijmë nga një javë e mirë, kam ndjesi të mirë edhe për nesër. Shpresojmë që ndeshja ndaj Udineses të reflektojë punën e bërë.
Unë shikoj çdo gjë dita-ditës me qëllimin për të përmirësuar vetem. Fokusi është i gjithi tek sfida e nesërme, ne kemi tre pikë të rëndësishme në lojë që duhen fituar.
Ka shumë gjëra të çuditshme këtë vit, Loftus-Cheek i detyruar t’i nënshtrohet një operacioni disa orë para ndeshjes kundër Napolit dhe tani Ëalker që u dëmtua. Ende nuk e di sesa do të jetë jashtë fushave ky i fundit”, u shpreh Conceicao.
Lexo gjithashtu
