Në javën e 27-të të Serie A, Sassuolo befasoi Atalantën, duke fituar 2 – 1, ndonëse ishin prej minutës së 16-të me një lojtar më pak, dalja me karton të kuq e Pinamonti. Pjesa e parë u vendos nga goli i Kone, minuta e 23-të.
Në fraksionin e dytë të ndeshjes, Thorstvedt i dyfishoi shifrat për Sassuolon, pavarësisht se ata ishin në inferioritet numerik. Goli i Musah në fund, i shërbeu Atalantës vetëm për statistikë.
Lojtari i ndeshjes sipas “SofaScore” ishte padyshim portieri shqiptar i Kosovës Arijanet Muric, i vlerësuar me notën 9.5. Për sulmuesit e Atalantës, Muric u kthye në “mur”, ndërsa nuk kishte faji te goli i pësuar.
Në këtë ndeshje ishte në fushë edhe kapiteni i Kombëtares Berat Gjimishit (nota 6.5). Duket se triumfi 4 – 1 dhe kualifikimi në Champions League kundër Dortmund, i “dehu” bergamaskët.
Lexo gjithashtu
