Tek Interi janë të bindur se ka ardhur momenti për ndryshime të rëndësishme, teksa drejtuesit kanë bërë studimet e para lidhur me afrimet e merkatos së verës.
Zikaltërit duan të rifreskojnë mefushën, pasi një pjesë e futbollistëve që i përkasin këtij reparti nuk kanë rinovuar ende kontratën e me gjasë, do të largohen në fund të sezonit për t’i bërë vend emrave të tjerë që mund të përmirësojnë lojën e skuadrës së drejtuar nga Chivu.
Kështu, në orbitën e kryesuesve të kampionatit ka përfunduar Manu Kone i Romës, objektiv i fiksuar që prej vitit 2025. Sipas të përditshmes italiane “La Gazzetta dello Sport”, Inter do të përpiqet të bëjë një tjetër tentativë për të rrëmbyer francezin nga “Giallorossi”.
Statusi i të paprekshmëve nuk ekziston më në radhët e ish-finalistëve të Championsit, pasi e ardhmja do të vlerësohet për të gjithë futbollistët, duke lënë mënjanë emra si Lautaro Martinez dhe Pio Esposito.
Lexo gjithashtu
