Humbja në shtëpi me rezultatin 0-3 ndaj Udineses rrezikon të flakë të gjithë punën e bërë që prej fillimit të sezonit te Milani, klub i cili aspiron të kthehet në Uefa Champions League vitin e ardhshëm.
Kuqezinjtë pësuan disfatën e tretë radhazi në Serie A, duke konfirmuar kështu momentin negativ dhe krizën që po shoqëron çdokënd, që prej drejtueve e deri tek lojtarët të cilët kanë humbur identitetin e lojës.
Me ëndrrën për titullin që mund të quhet e kapitulluar, pasi Napoli i parakaloi në fitoren e javës paraardhëse dhe shkëputjes së Interit në krye, "Djalli" ndjen rrezikun e një tjetër objektivi të shpërdoruar, pasi zona Champions nuk ofron më komoditetin e dikurshëm.
Për këto arsye, situata do të ndiqet me intensitet të madh, pasi çdo gabim do të hyjë në llogaritë e presidentit Gerry Cardinale i cili mund të vë "dorë të hekurt" nëse klubi dështon të përmbushë objektivin më minimal.
Në stafin e drejtuesve rrezikojnë Giorgo Furnali dhe Igli Tare, të cilët mund të humbasin besimin e presidentit nëse puna që kanë bërë nuk e merr siç duhet mbrapsht shpërblimin. Sakaq, në skuadër, janë të shumtë lojtarët që e ndjejnë riskun e "fshesës", pasi askush nuk do tolerohet për paraqitjet e dobëta.
Pjesa kyçe e formacionit si Leao, Pulisic, Tomori dhe Loftus Cheek janë në "lupën" e largimit dhe në rast se ofertat do të vijnë drejt tyre, askush nuk do i thoshte jo kësaj ideje, për të gjeneruar të ardhura.
Lexo gjithashtu
