Padyshim që Gianluigi Donnarumma është një prej protagonistëve më të mëdhenj të këtij sezoni me Paris Saint-Germain. Pritjet vendimtare të gardianit italian kanë bërë që parisienët të fitojnë titullun kampion dhe të jenë në garë për finalen e Champions League.
Megjithatë, e ardhmja e 26-vjeçarit në kryeqytetin e Francës është në dyshim. Kontrata e Donnarummës me PSG-në skadon verën e vitit të ardhshëm, por nuk ka pasur asnjë zhvillim për një rinovim të mundshëm.
Siç raportojnë mediat italiane, Donnarumma lidhet me një rikthim të bujshëm në Serie A. Në javët e fundit, Interi dhe Juventusi kanë shfaqur interes të madh për shërbimet e ish-portierit të Milanit.
Zikaltrit kërkojnë ta përfitojnë Donnarummën vitin e ardhshëm si lojtar të lirë, ku do t’i ofronin një pagë prej 9 milionë eurosht. Nga ana tjetër, Juventusi pritet të provojë ta transferojë këtë verë, me një çmim të arsyeshëm.
Lexo gjithashtu
