Wesley
Në merkaton e verës, Juventusi pritet të përqendrohet në repartin e mbrojtjes. Kjo për shkak të vështirësive të pafundme që bardhezinjtë hasën sezonin që lamë pas në repartin difensiv.
Aktualisht, drejtori i përgjithshëm i Juventusit, Damien Comolli ka zhvendosur vëmendjen në kampionatin brazilian. Bardhezinjtë po ndjekin intensivisht mbrojtësin e Flamengos, Wesleyn.
Ky i fundit debutoi dje me kuqezinjtë e Brazilit në Botërorin e Klubeve ku mposhtën Chelsean me shifrat 3-1. Siç raportojnë mediat italiane, Flamengo kërkon të paktën 25 milionë euro për të lënë të lirë mbrojtësin brazilian.
Mbetet për t’u parë se cila do të jetë oferta e parë që “Zonja e Vjetër” do të bëjë për të transferuar 21-vjeçarin në Torino.
Poll
Lexo gjithashtu
