Mbrëmjen e djeshme, Florian Wirtz u transferua te Liverpool duke u bërë blerja më e shtrenjtë në historinë e Liverpoolit. Pasi u bë pjesë e “The Reds”, ylli gjerman ka folur për herë të parë si lojtari i tyre.
“Mbaj mend që në takimin e parë me Slot më tregoi disa situata loje, duke shpjeguar se si duam të luajmë dhe si mund të përshtatem në ekip. Ai më tha se jam një lojtar që ai me të vërtetë dëshiron ta ketë me vete dhe se mund t’i sjell vlerë të shtuar grupit.
Imagjinova se do të ishte mirë të isha pjesë e këtij ekipi dhe të ndihmoja në përmirësimin e tij. Çdo javë duhet të jap gjithçka në fushë, pikërisht për këtë jam këtu në Liverpool.
Kush më bindi të transferohem? Frimpong ishte i pari që nënshkroi me Liverpoolin dhe padyshim që donte që edhe unë të bashkohesha. Vendimin e mora vetë, edhe nëse ndoshta ai pati pak ndikim që në fund më bindi”, u shpreh Wirtz.
