Manchester United ka hasur një disfatë totale kundër Tottenham me rezultatin 0 me 3. Kjo humbje ka acaruar drejtuesit e lartë të cilët po mendojnë ta zëvendësojnë Erik Ten Hag me trajnerin aktual të Interit.
Ky lajm ka bërë jo pak bujë në media . Kujtojmë se Simone Inzaghi është ende në kontratë me ekipin italian dhe ka fituar titullin e fundit në Serie A. Ten Hag do të vazhdojë të drejtojë skuadrën gjatë pushimit të kampionateve, kohë kur do të luajnë kombëtaret.
Gjatë kësaj kohe pronarët aktual do të mendojnë se si të bindin ata të Interit për të lëshuar SInzaghin, i cili ka një projekt afatgjatë në pankinën e zikaltërve. Gjithashtu alternativë serioze mbetet Southgate që udhëhoqi përfaqësuesen angleze drejt finales së Euro 2024.
Shkarkimi do të kishte një barrë të rëndë financiare për bilancet e klubit. Duhet paguar shifra e majme prej 17.5 milion euro që kontrata të shfuqizohet.
Mbetet për t’u parë nëse buxheti do ua lejojë shefave të ndërmarrin këtë alternim në mes të sezonit. Vijueshmëria mbetet e keqe e “Djajve të Kuq” në Premier League dhe për këtë duhen ndërmarrë masa urgjente.
Kjo u pa edhe në mesjavën e kaluar, përballë hollandezëve modest të Tventes . Ekipi bëri gafa në mbrojtje nga ku erdhi dhe goli i barazimit, prej gabimit amatoresk të Eriksen. Lojtarët kanë nevojë për frymëmarrje në aspektin psikologjik dhe ndërrimi i trajnerit ndoshta do të ishte gjëja e duhur.
