Legjenda e Chelsea-t dhe futbollit anglez, John Terry, nuk i ka kursyer elozhet për Lionel Messin pas paraqitjes së fundit të argjentinasit me kombëtaren. Përmes një postimi në rrjetet sociale, ish-kapiteni i "Bluve" e ka cilësuar 39-vjeçarin si "GOAT" (Më i miri i të gjitha kohërave).
Terry u shpreh i mahnitur nga forma fizike dhe teknike e Messit, duke theksuar se është e pamundur të ndalet në fushë.
"Po më pyesin shpesh: 'Si ta ndalosh Messin?' Nuk mundesh. Të luash fizikisht ndaj tij, vetëm sa e bën atë më të mirë. Është kaq i fortë dhe e do luftën në fushë ky njeri ka gjithçka," shkroi Terry, duke nënvizuar gjithashtu se është e jashtëzakonshme që Messi vijon të performojë në nivelet më të larta edhe në këtë moshë.
Përveç vlerësimit për yllin argjentinas, Terry vlerësoi edhe paraqitjen e përgjithshme të Argjentinës, duke theksuar se skuadra tregoi një lojë mjaft të mirë në shumë aspekte gjatë sfidës së djeshme.
Lexo gjithashtu
