Në orën 20:30, Vllaznia do të përballet kundër islandezëve të Valur. Shkodranët barazuan 2-2 në ndeshjen e parë, ndërsa në “Loro Boriçi” kërkojnë të arrijnë të fitorje, diçka që është mëse e realizueshme.
Disa orë para sfidës, klubi shkodran ka dalë me një njoftim zyrtar të rëndësishëm. Vllaznia u kërkon tifozëve që ta mbështesin skuadrën në mënyrën e duhur, pa ndezur mjete piroteknike apo hedhur sende në fushë, pasi kjo sfidë është vlerësuar maksimalisht nga UEFA.
Njoftimi i Vllaznisë:
Të nderuar sportdashës!
Sonte në ora 20:30 në stadiumin “Loro Boriçi” do të luhet ndeshja e kthimit e turit të parë të “UEFA Europa Conference League” në mes ekipit tonë- Vllaznisë dhe atij islandez- Valur. Kjo ndeshje është vlerësuar maksimalisht nga UEFA dhe do të jetë një test për klubin tonë sa i takon mbarëvajtjes së saj. Në këto rrethana, miqësisht do kërkonim nga ana Juaj që ta mbështesni fuqimisht ekipin në fushën e lojës ashtu siç dini të bëni vetëm Ju. Njëkohësisht ju kujtojmë që është e ndalur përdorimi i të gjitha mjeteve piroteknike si dhe hedhja e çdo objekti të fortë në fushën e lojës. Ju ftojmë të gjithë në stadium, për Vllazninë dhe me Vllazninë. Forca Vllaznia!
Lexo gjithashtu
