Pas barazimit 1-1 në “Metropolitano” javën e shkuar, nesër Arsenal dhe Atletico Madrid do të përballen në kuadër të gjysmëfinales së kthimit të UEFA Champions League. Sfida që do të zhvillohet në stadiumin “Emirates” do të nisë në orën 21:00. Në prag të këtij dueli, ka folur në konferencën e zakonshme për shtyp edhe trajneri i “Topçinjve”, Mikel Arteta.
“Ngazëllim i madh, vërtet jam i uritur. Është e vështirë të shprehësh dëshirën për të jetuar atë moment. Sidomos me tifozët tanë përpara, ata kanë pritur kaq gjatë për të pasur këto lloj netësh. Shtyni fort nesër, sepse është diçka e mahnitshme që do të ndodhë. Kur jeni përpara një mundësie të tillë, kjo do të thotë që jeni gati të jepni rezultatin e duhur dhe ekipi do të shkojë që nga minuta e parë për ta marrë atë.
Mesazhi për lojtarë? Para së gjithash, të bëjmë përgatitjen më të mirë për ndeshjen. Ne e dimë ndeshjen që do të luajmë nesër, ndeshjet që do të luajmë nesër brenda asaj ndeshjeje. Jini të përgatitur, jini gati, me cilësi të lartë, qartësi të madhe dhe jepni rezultatin e duhur. Kjo është gjëja më e rëndësishme.
Gjëja që kisha në mendje për këtë klub është se nuk mund të premtosh kurrë të fitosh trofe të mëdhenj. Mund të premtosh se do të punosh çdo ditë me vizionin dhe zbatimin e tij, si dhe do të jesh i vendosur me idetë dhe vendimin që merr për ta bërë këtë klub një nga më të mirët në Evropë, dhe ja ku jemi, tani duhet të bëjmë hapin tjetër.
Sfida e parë në Madrid? Ishte një atmosferë e pabesueshme. Një nga më të mirat që kam parë dhe ishte fantastike të luaja atje. Mezi pres. Mezi pres ta jetoj këtë moment me mbështetësit tanë, njerëzit tanë dhe të krijoj diçka vërtet, vërtet të veçantë për të arritur në atë finale”, tha Arteta.
Lexo gjithashtu
