Lautaro Martinez është më i kërkuari nga mediat për intervista dhe kapiteni i Interit nuk ngurron. Duke folur për “ESPN”, ai tregon për emocionet e të luajturit përsëri në një ndeshje kaq të rëndësishme si ajo e së shtunës: "Është një ëndërr të kthehemi në finalen e Champions League.
Në tre vjet kemi arritur në dy finale, edhe pse është kaq e vështirë. Kjo falë punës që bëjmë çdo ditë. Kemi sjellë në shtëpi kaq shumë tituj që Interit i kanë munguar për një kohë të gjatë. Ky është qëllimi ynë më i madh.
Për mua, ngritja e këtij trofeu është një ëndërr, do ta fitojmë ne të shtunën. PSG është mjaft i ngjashëm me ne. Ata gjithashtu po argëtohen shumë, kanë fituar dy tituj këtë vit dhe do të jetë një ndeshje e shkëlqyer”, e mbylli Lautaro Martinez.
