Javier Zanetti
Zëvendëspresidenti i Interit dhe ikona historike e zikaltërve, Javier Zanetti, foli për “ESPN” për të kujtuar fitoren epike në gjysmëfinalen e Championsit kundër Barcelonës.
"Futbolli të jep këto emocione dhe kjo skuadër gjithmonë beson në të deri në fund. Ne jemi një skuadër që të gjithë e respektojnë edhe për vazhdimësinë që kemi pasur në vitet e fundit, pas humbjes në finale kundër Manchester Cityt ku luajtëm shumë mirë.
Për katër vitet që kemi punuar me Inzaghin, Interi ka qenë protagonist dhe respektohet. Gjëja e rëndësishme për ne ishte të arrinim në finale. PSG? Mendoj se ata janë një skuadër e mirë, e dua Luis Enriquen i cili u dha atyre një identitet dhe kjo është arsyeja pse janë aty ku janë", tha Zaneti.
Poll
Lexo gjithashtu
