Janë publikuar formacionet zyrtare të 3 ndeshjeve të së martës në Champions League, ora 21:00, faza e 1/16-ave. Vëmendja më e madhe do të jetë në Lisbonë, Benfica – Real Madrid.
Fakti që ekipi i drejtuar nga Jose Mourinho i mposhti 4 – 2 në grupin e përgjithshëm, bën që kjo sfidë të marrë trajtën e “hakmarrjes” për “Galaktikët”.
Trajneri Arbeloa nuk ka kursyer yjet, sistemi 4 – 3 – 3. Nga minuta e parë do të jenë “tridhëmbëshi” Vinicius – Mbappe – Guler, ndërsa Benfica përgjigjet me Rafa Silva e Pavlidis.
Në duelin tjetër Dortmund – Atalanta, mbrojtësi i Kombëtares Berat Gjimshiti nuk “preket”, titullar dhe “shpresa” për të “bllokuar” sulmuesit e Dortmund. Përballje interesant brenda “llojit” do të jetë edhe në stadiumin “Stade Louis II” mes Monaco dhe kampionëve të PSG-ës.
Lexo gjithashtu
