Klubi i Serie B, Perugia, ka zyrtarizuar nënshkrimin me ish-portierin e Tiranës, Alessio Abibi. Futbollisti 26-vjeçar ka firmosur kontratën që do ta mbajë atë të lidhur me italianët deri në vitin 2024. Abibi rikthehet në qytetin e tij të lindjes ku ka luajtur më parë për ekipin e moshave të Perugias por tashmë kthehet si profesionist për të dhënë kontributin e tij. Pas aventurës me Tiranën, Abibi luajti për Avellinon dhe Cavesen në futbollin italian, për të shkuar më pas në Irlandë me ekipin e Dundalk. Tashmë në Perugia, portieri do të japë kontributin e tij për misionin e mbijetesës në nivelin e dytë për nga rëndësia në futbollin italian.

 

View this post on Instagram

 

A post shared by A.C. Perugia Calcio 1905 (@acperugia_official)