Ylber Ramadani dhe Lecce e tij u mposhtën në shtëpi nga Torino. Ndeshja e vlefshme për javën e 10-të të kampionatit italian përfundoi me fitoren minimale 0-1 të torinezëve,
Pas kësaj sfide është prononcuar për mediat një nga pikat kyçe të ekipit të Lecces, mesfushori shqiptar Ylber Ramadani. Mesfushori i Kombëtares shqiptare kërkon që në vazhdim të jenë më të bashkuar.
“Nëse do të shënonim të parët do të shikonim një tjetër ndeshje. Pas epërsisë ata fituan besim dhe ne nuk ishim në gjendje të rikuperoheshim. Të mërkurën do të luajmë kundër Parmës. Në dhomat e zhveshjes duhet të jemi të bashkuar, nëse humbëm sot do të duhet t’i rikuperojmë këtë pikë në ndeshjet e tjera. Tani le të mendojmë për Kupën, ne duam të fitojmë”, është shprehur Ramadani.
Lexo gjithashtu
