Xhulio Skuka po rikthehet në formën e dikurshme. Bomberi shqiptar ka gjetur sërish rrugën e rrjetës në Slloveni teksa ka shënuar për skuadrën e Maribor në ndeshjen e Kupës, ditën e sotme përballë Jurovski Dol. Skuka e nisi nga stoli sfidën, pas rotacionit të trajnerit, dhe gjeti rrugën e rrjetës në minutën e 79-të duke shënuar golin e 7-të të ndeshjes, e cila përfundoi me fitoren 9-0. Ky është goli i dytë rradhazi për ish-sulmuesin e Partizanit pasi shënoi edhe në fundjavë në kampionat. Bomberi ka kaluar një periudhë të vështirë muajt e fundit, por dalëngadalë duket se po e merr veten. Nga Skuka jemi mësuar të shohim gola javë pas jave kur ishte te Partizani që e shiti për shumën rekord prej 1.4 milionë euro te Metz.

 

View this post on Instagram

 

A post shared by SSM Official (@ssm_official_page)