Amir Abrashi do të qëndrojë për të paktën edhe një sezon tjetër tek Grasshopper. Është vetë klubi zviceran që ka njoftuar zgjatjen e bashkëpunimit me "pitbullin" kuqezi, i cili ka zgjedhur të mbyllë karrierën e tij në këtë skuadër.
Me mbi 280 paraqitje me fanellën bardheblu, Abrashi vlerësohet lart nga drejtuesit të cilët përshkruajnë një lojtar me vendosmëri, cilësi dhe integritet, duke u shndërruar në një nga figurat më influencuse në historinë e këtij klubi.
Drejtori sportiv, Alain Sutter u shpreh se ish-mesfushori i Kombëtares shqiptare ka përjetuar shumë ulje dhe ngritje, por kjo se ka ndaluar që të shfaqë të gjithë përqëndrimin e tij maksimal kur vjen momenti për të nderuar fanellën.
"Amiri mishëron në mënyrë të përkryer vlerat që përfaqëson klubi ynë. Mentaliteti, përvoja dhe prania e tij kanë një vlerë të jashtëzakonshme për ekipin tonë. Ai ka përjetuar shumë ngritje dhe ulje me klubin dhe gjithmonë ka treguar përkushtimin e tij të plotë. Jemi shumë të kënaqur që ai do të qëndrojë me ne sezonin e ardhshëm", tha Sutter.
Po ashtu, pati vend dhe për një fjalë të mesfushorit shqiptar, i cili foli me fjalë të mëdha për klubin të cilin e quan shtëpinë e tij.
"Grasshopper është shtëpia ime. Kam ndërtuar karrierën time këtu dhe i detyrohem këtij klubi një marrëveshje të madhe. Kjo është arsyeja pse do të thotë kaq shumë për mua të vazhdoj të jem pjesë e saj. Besimi dhe vlerësimi që më është treguar nuk janë diçka që e marr si të mirëqenë dhe jam shumë mirënjohës për këtë. Të gjithë e dinë sa shumë rreh zemra ime për GC Zurich. Do të vazhdoj të jap gjithçka për klubin", u shpreh Abrashi.
Lexo gjithashtu
