Qazim Laçi po konfirmohet në çdo ndeshje protagonist me paraqitjet e tij në Superligën turke. Këtë herë, mesfushori shqiptar ka shënuar një supergol, duke ngritur në peshë të gjithë tifozët e pranishëm të vendasve.
Goli i tij erdhi në minutën e 79-të, pas një pasimi të ardhur nga rivënia këndore, e ku Laçi nuk priti duke goditur menjëherë topin që "tundi" portën e Gorgen. Të dytin e shënoi Ali Sowe, i cili shfrytëzoi një gabim në mbrojtjen kundërshtare duke çuar topin në fundin e rrjetës.
Me këto dy gola, Rizespor siguron fitoren përballë Gaziantep me rezultatin 2-1, duke shkuar në vendin e 8-të me 36 pikë, ndërsa miqtë qëndrojnë në vendin e 11-të me 34 pikë.
GOLI:
Goli i Qazim Laçit (Rizespor 1-1 Gaziantep)
Goli i Ali Sowe (Rizespor 2-1 Gaziantep)
Lexo gjithashtu
