Dean Liço
Dean Liço është shfaqur protagonist në ndeshjen që ekipi i tij, Igdir FK po luan në shtëpi përballë Adanaspor. Sfida e vlefshme për javën e dytë të Kategorisë së Parë turke, është momentalisht 3-1 në favor të Igdir.
Ishte pikërisht Dean Liço ai që hapi serinë e golave për të tijët dhe në këtë ndeshje. Ish-kapiteni i Skënderbeut lëvizi në mënyrë fantastike brenda zonës me driblime “alla-Messi”. Më pas, i gjendur përballë portierit kundërshtar, Liço nuk gaboi dhe dërgoi topin në rrjetë.
Në këtë mënyrë, mesfushori shqiptar i dha të tijëve avantazhin, duke shpërblyer besimin e trajnerit. Kujtojmë që Liço u transferua në Turqi vetëm para pak javësh, duke vendosur të mbyllte aventurën në Superiore.
Poll
Lexo gjithashtu
