Mbrojtësi i Kombëtares Elseid Hysaj ka qenë i pranishëm në stadiumin “Loro Boriçi” për të ndjekur ndeshjen Vllaznia – Elbasani (2 – 1), me rastin e 107 vjetorit të skuadrës kuqeblu.
“Rekordmeni” i Shqipërisë ka lidhje të fortë me skuadrën e Vllaznisë, pasi është vetë nga Shkodra. Pas ndeshjes, Hysaj foli për mediat, duke e lënë të hapur mundësinë për të luajtur me Vllazninë:
“E ndjek pak futbollin shqiptar, për kënaqësi më shumë. Shpresojë që Vllaznia të fitoj një kampionat dhe t’i sjellin gëzimin këtij qyteti. Shkodra është një ndër qytetet më të zjarrta. Nuk e kam menduar akoma se ku mund ta mbyll karrierën.
Ndoshta kam qejf të kthehem edhe te Empoli, pasi edhe aty e kam filluar karrierën. Vllaznia? S’do ishte keq. Varet se si mund të jetë Vllaznia ose çfarë gjërash mund të ketë bërë deri atëherë klubi shkodran”.
Lexo gjithashtu
