Kombëtarja shqiptare i nisi dy ndeshjet e nëntorit në Nations League e cunguar. Edhe pse si fillim ishin pjesë e grumbullimit dhe listës së Sylvinhos, katër lojtarë u detyruan të largoheshin për shkak dëmtimi.
Rey Manaj, kapiteni Berat Gjimshiti, Marash Kumbulla dhe Keidi Bare nuk i shijuan dot dy ndeshjet duke lënë Kombëtaren në ‘baltë’. Por, për dy nga këta futbollistë ka nisur festa.
Sipas mediave spanjolle, Bare dhe Kumbulla janë gati për t’u rikthyer në fushën e lojës që këtë javë. Mesfushori është gati të luajë për Real Zaragoza në La Liga 2, e teksa Kumbulla rikthehet në aksion te Espanyol.
Por përveç festës së rikthimit të dy futbollistëve të sipërpërmendur, dy të tjerë mbeten në hidhërim. Gjimshiti dhe Manaj nuk janë të gatshëm. I pari është akoma i dëmtuar, ndërsa bomberi i Sivasspor akoma nuk ka nisur stërvitjen me grupin.
Seancat e Manaj ka qenë individuale duke bërë që ai të shtyjë rikthimin në fushën e lojës të paktën edhe për disa ditë të tjera.
Lexo gjithashtu
