Mario Dajsinani padiksutim që ditën e sotme do ta mbajë mend gjatë. Gardiani i portës ka siguruar për herë të parë ftesën e Sylvinhon.
Kampioni i Superiores rikthehet në Kombëtare pas thuajse 3 vitesh nga debutimi i tij, teksa do të jetë i gatshëm për timonierin brazilian për duelet me Serbinë dhe Letoninë. 26-vjeçari ka reaguar në rrjetet sociale pas shpalljes së listës.
Dajsinani ka ripostuar në “Insta-Story” një foto nga postimi i FSHF-së në rrjetet sociale, ku duket lista e të grumbulluarve. Lojtari i kampionëve nuk ka lënë asnjë shënim në foton e “Insta-Story”, duke e lënë ashtu “shqeto”.
Kujtojmë se Shqipëria do të presë Serbinë më 7 qershor në “Arenën Kombëtare” në orën 20:45, ndërsa 3 ditë më pas do të udhëtojë në transfertë për të sfiduar Letoninë.
Lexo gjithashtu
