Ndërsa Bayern Munich përgatitet të përballet me Boca Juniors në ndeshjen e tyre të radhës në Grupin C, Manuel Neuer ndau pritjet e tij përpara përballjes me klubin e famshëm argjentinas. “Patjetër që presim një atmosferë të mire. Do jetë ndeshje ferri. E pamë se si shkoi ndeshja e tyre kundër Benficës.
Do të jetë e rëndësishme që të qëndrojmë të përqendruar”. Pasi e hapën fushatën e tyre në Kupën e Botës për Klube me një fitore shkatërrimtare 10-0 ndaj ekipit të vogël Auckland City, portieri veteran përshkroi përgatitjet e Bayernit për ndeshjen e së shtunës së ardhshme. “Ne i rimbushëm bateritë tona dhe pastaj u stërvitëm normalisht përsëri.
Po ndërtojmë për ndeshjen në mënyrë që të jemi gjithnjë e më të përqendruar, duke përfshirë edhe analizimin e kundërshtarëve tanë, dhe të dimë saktësisht se çfarë na duhet në ndeshje.
Intensiteti po rritet pak, por një ditë para ndeshjes zvogëlohet pak sepse temperaturat këtu padyshim që luajnë gjithashtu një rol. Favoritet janë, sigurisht, ekipet nga Evropa. Por nuk duhet t'i nënvlerësojmë as ekipet nga Amerika e Jugut”, tha Neuer.
