Pas fitores së bujshme me rezultatin 3-0 ndaj PSG-së në finale, Chelsea është shpallur kampion bote për klube. Të besuarit e Enzo Marescas dominuan që në pjesën e parë duke e mbyllur në avantazh prej tre golash.
Në përfundimin e sfidës, trajneri i “Bluve të Londrës” ka folur për mediat. “Nuk kam fjalë për të përshkruar lojtarët e mi. Të gjithë e meritojnë këtë fitore dhe është një moment i mrekullueshëm.
Për mua, ne e fituam ndeshjen në dhjetë minutat e para. Ne vendosëm ritmin dhe ishim shumë të mirë në presion. Kushtet nuk ishin të lehta për të ruajtur intensitetin, por djemtë bënë një punë të shkëlqyer”, u shpreh fillimisht Maresca.
Më pas trajneri i Chelsea foli dhe për performancën e Palmer. “Sot gjetëm një pozicion ku ai kishte më shumë hapësirë për të sulmuar. Padyshim Palmer luajti shumë mirë, por përkushtimi nga të gjithë lojtarët ishte fantastik”, përfundoi Maresca.
Lexo gjithashtu
Dëmtimi “horror” i talentit gjerman, Musiala “SMS” Donnarummas
Sonte përballet ndaj Realit, Luis Enrique ia ka marrë “dorën” madrilenëve
Kylian Mbappe nuk pyet për CR7, vendos rekord absolut te Reali
3 ditë para duelit me Realin, “dhimbje koke” për Luis Enrique
