Ish-trajneri i Kombëtares, Edi Reja ka folur së fundmi për finalen e Botërorit 2026, të cilën Spanja e fitoi 1-0 përballë Argjentinës. Italiani nuk ka kursyer elozhet për “Furinë e Kuqe”, duke i cilësuar si të shkëlqyer. E në krahun tjetër, ka rezervat e tij për lojën e argjentinasve.
“Pashë një ekip të shkëlqyer të Spanjës, ata dominuan nga fillimi deri në fund. De La Fuente arriti ta shndërronte një grup me kaq shumë kampionë në një ekip. Është bukur t’i shohësh ata të ruajnë në harmoni, të gjithë duke punuar së bashku. E kundërta e Argjentinës, e cila kishte Mesin dhe shokët e tij të ekipit që punonin për të. Argjentina? Ata u përpoqën t’i frikësonin kundërshtarët e tyre edhe kundër Anglisë, por kundër Spanjës nuk ia arritën kurrë.
Enzo Fernandez ishte ndëshkuar tashmë me karton të verdhë, kështu që cili ishte qëllimi i atij faulli absurd? Nga aty, gjithçka ishte më e lehtë. Nuk mendoj se Scaloni mund të kishte bërë shumë më mirë, në fund, ata humbën 1-0 në kohën shtesë. Mund të duartrokas vetëm për një rrugë që e çoi atë drejt fitimit të një Kupe Bote dhe dy Kupave të Amerikës”, tha ish-trajneri i Kombëtares shqiptare, Edoardo Reja.
Lexo gjithashtu
