Portieri i Argjentinës, Emiliano Martinez, ka lëshuar një deklaratë që ka bërë bujë në rrjet. Në një intervistë për “AFA Estudio”, "Dibu" ka zbuluar planin e tij për të ardhmen, duke vendosur një kusht specifik për pensionimin nga futbolli i luajtur.
Martinez u shpreh se nëse Argjentina arrin të fitojë sërish Kupën e Botës, ai do t'i thotë lamtumirë futbollit. "Nëse bëhem dy herë kampion bote me kombëtaren argjentinase, do të tërhiqem, madje që të nesërmen dhe për këtë ju premtoj".
Kjo deklaratë e Martinez shton edhe më shumë presionin dhe emocionin për të ardhmen e "Albiceleste”, pasi Kombëtarja e Argjentinës shihet si një prej favoriteve për të fituar sërish këtë turne, si dhe për të mbrojtur statusin e saj si kampione në fuqi.
View this post on Instagram
