Hakan Calhanoglu padiksutim është një nga lojtarët kryesorë te Interi. Mesfushori në një intervistë për “Corriere dello Sport” ka folur për Kristian Asllanin, me këtë të fundit që konsiderohet si zëvendësuesi i tij natyral.
Calhanoglu ka theksuar se Asllanin e konsideron si një vëlla të vogël dhe mundohet gjithmonë ta ndihmojë. Ndër të tjera shprehet i bindur se shqiptari do të ketë një rol të rëndësishëm te Interi.
“Ai duhet që të jetë pasuesi im. Për mua është si një vëlla i vogël. Po mundohem ta ndihmoj dhe ai më dëgjon shumë.
Ka shumë kualitet, por njëkohësisht është i vetëdijshëm se duhet që të përmirësohet ende. Ne jemi lojtar të Interit dhe si të tillë gjithmonë duhet që të tregojmë diçka. Ai po mëson dhe ne jemi gjithmonë të gatshëm që ta ndihmojmë. Jam i bindur se pas meje ai do të ketë një rol më të rëndësishëm”, ka deklaruar mesfushorin zikaltër.
Lexo gjithashtu
