Alex Jimenez ka përfunduar në telashe serioze. Mbrojtësi, i cili luan momentalisht te Bournemouth në Premier League, i huazuar nga Milani në verën e vitit të kaluar, nuk i ka shpëtuar "problemeve" dhe këtë e faktojnë dhe veprimet e fundit.
Disa mesazhe të cilësuara si kompromentuese në drejtim të një vajze 16-vjeçare, kanë bërë që spanjolli të bëhet subjekt i një investigimi që është hapur së fundmi për të hedhur dritë mbi këtë ngjarje skandaloze.
Në bisedat e bëra publike në rrjete sociale, ai tenton të njihet me vajzën në fjalë ku i shkruan se nuk e ka aspak problem moshën e saj, duke përdorur "inteligjencën" e tij për ta afruar dhe në përpjekje për t'u lidhur me të.
Sakaq, klubi ka vendosur që ta përjashtojë lojtarin për sfidën e radhës përballë Fulham që do të luhet të shtunën në transfertë, në pritje të përgjigjeve që do të vijnë nga hetimet e më pas do të merret dhe vendimi se çfarë do të bëhet me fatin e 21-vjeçarit.
Kujtojmë se Jimenez u largua nga Milani për shkak të marrëdhënieve “të krisura” me trajnerin Max Allegri. Minutazhi i munguar dhe disiplina e hekurt nga tekniku i kuqezinjve u bënë “sebep” që mbrojtësi të ndryshonte destinacion.
Lexo gjithashtu
