Vendimet e arbitrit francez Clement Turpin në ndeshjen Atletico Madrid – Barcelona, kanë shkaktuar polemika të shumta, sikurse Istvan Kovacs para një jave.
Presidenti i klubit katalanas Joan Laporta nuk ka ndërmend ta lërë me kaq, ai shprehet se Barça është gati të dërgojë ankesë në UEFA dhe gjykimi i padrejtë ndaj kryesuesëve të La Ligës nuk është diçka e re, por konsistente kohët e fundit, duke ndikuar në objektivat e tyre:
“Klubi i Barcelonës do të dorëzojë ankesë në UEFA, e cila përmend ‘vendime të papranueshme’. Urime Atletico-s për arritjen në gjysmëfinale, por vendimet e arbitrit dhe VAR kanë qenë përsëri një turp. Është e papranueshme ajo që na bënë.
E përsëris, vendimet e arbitrit dhe VAR patën ndikim të madh në këtë raund të Champions League, qartësisht. Në ndeshjen e parë, nuk morëm një penallti të pastër dhe pastaj kartoni i kuq, ku në fakt duhej karton i verdhë ndaj Cubarsit.
Mbrëmë, karton i kuq në dëm të Garcia ishte një tjetër gabim. Nuk kishte të bënte me lojtarin e fundit që të shkohej te kartoni i kuq. Gjithashtu, vendim i gabuar te goli i konsideruar jashtë lojë të Ferran Torres.
Po penalltia ndaj Dani Olmos?! Ne kemi paraqitur para një javë ankesë në UEFA dhe do e bëjmë sërish. Kushdo që thotë se Barcelona favorizohet nga arbitrat, e keni gabim, e pamë dje”.
Lexo gjithashtu
