Janë përcaktuar dy ekipet e para gjysmëfinaliste të Champions League, Atletico Madrid dhe PSG. “El Colchoneros” e nisën ndeshjen “me këmbën e gabuar”, teksa për fajin e tyre, pësuan gol që në minutën e 4-të me autor Lamine Yamal.
Ferran Torres “pllakosi heshtjen” në stadiumin “Metropolitano Stadium”, konkretizimi në minutën e 24-të. Gjithsesi, madrilenët nuk e humbën “fillin”.
Ish-shoku i skuadrës së Berat Gjimshitit, Lookman ngushtoi shifrat (31-të) dhe rivendosi kualifikimin në “xhepin” e Atleticos. Me këto “ngjyra” u mbyll pjesa e parë.
Në fraksionin e dytë, Barça shënoi me Ferran Torres (minuta e 55-të), por pas rishikimit në VAR, u konsiderua jashtë loje. Dalja me karton të kuq nga Garcia “shembi” shpresat e Hansi Flick dhe tifozëve katalanas.
Mbrojtësi Araujo pati shansin e madh për të dërguar ndeshjen në shtesë, por gaboi çuditërisht në goditjen me kokë, duke e dërguar topin jashtë, pavarësisht se ishte i pambuluar.
Në gjysmëfinale, Atletico do përballet me fituesin e çiftit Arsenal – Sporting. Përsa i takon duelit Liverpool – PSG, nuk pati “histori” as në Angli. Parisi fitoi sërish 2 – 0, vendosën golat e Dembeles, rezultari i përgjithshëm 4 – 0.
Atletico Madrid 1 – 2 Barcelona (Yamal 4', F.Torres 24')
©X 4' Yamal
©X 24' F.Torres
©X 31' Lookman
©MaxSport 55' Goli pozicion jashtëloje nga F.Torres
©X Karton i kuq për Garcia
Liverpool 0 – 2 PSG (Dembele 72', 90+1')
©CBSSports 72' Dembele
©VSportUltraHD 90+1' Dembele
Lexo gjithashtu
