Interi ka bërë një hap fals në Serie A, teksa është ndalur në barazim nga Bologna. Një sfidë ku ziklatërtit arritën të shënonin që në minutën e 11-të me Acerbin, teksa vetëm 2 minuta më pas Lautaro Martinez do të dyfishonte shifrat.
Por gjithesi kjo nuk mjaftoi, pasi shifrat do të ngushtoheshin që në minutën e 19-të me Orsolinin. Pjesa e parë do të mbyllej 2-1 për Simone Inzaghin. Fraksioni i dytë do të niste më mirë për miqtë, që do të barazonin shifrat me Zirkzee në minutën e 52-të.
VAR-i në minutën e 60-të do të anulonte golin e Sanchez, me rezultatin që mbetet 2-2. Edhe në minutat e mbetura pavarësisht rasteve të krijuara, sërish nuk pati gol dhe në këtë duel ekipet ndanë nga një pikë. Në fakt ky rezultat i shkon për shtat Milanit, që në mbrëmje do të luajë ndaj Genoas dhe do të synojë fitoren për të kryesuar i vetëm Serie A pas ndeshjeve të javës së 8-të.
Kujtojmë se për Asllanin në dispozicion të tij kishte vetëm 7 minuta, kur zëvendësoi në të 83-tën Calhanoglu. Aktualisht Interi ka grumbulluar 19 pikë, ndërsa ndiqet nga Milan me 18 pikë.
Lexo gjithashtu
