Egnatia vijon përgatitjet për debutimin në Europë teksa do të përballen me armenët e Ararat-Armenia më 13 korrik në transfertë. Ekipi ndodhet ende në fazën përgatitore në Turqi teksa ka edhe ditët e fundit përpara se të rikthehen në Shqipëri.
Atmosfera është fantastike dhe kjo pasqyrohet mjaft mirë edhe në drekën e sotme. I gjithë grupi, shqiptarë e të huaj ia kanë marrë këngës legjendare kushtuar heroit kombëtar Adem Jashari, ‘Mora fjalë’. Të udhëhequr nga lideri mbrojtjes, Renato Malota, dhe portieri Bruno Puja, të gjithë lojtarët e tjerë ndjekin me duartrokitje dhe këndim.
Një atmosferë pozitive e cila shpresojmë të ndikojë edhe në fushën e lojës me rrogozhinasit që kërkojnë suksesin në aventurën e parë europiane. Drejtuesit po punojnë për të përforcuar skuadrën teksa grupit do t’i bashkohet së shpejti edhe sulmuesi i ri Isgandarli.
Lexo gjithashtu
