Sulejman Starova ka komentuar performancën e zhvilluar të Vllaznisë në këtë edicion futbollistik të "Abissnet Superiore", kampionat që mbylli dhe javën e fundit, atë të 36-të.
Në emisionin "Skaner" në MCNTV, Starova u shpreh se shkodranët janë një skuadër e ndërtuar pikërisht për titullin, ndërsa nënvizoi se problemet me dëmtimet kanë bërë që ata të ndjejnë vështirësi me konkurrencën e shfaqur me skuadrat e tjera.
"Sapo thua Vllaznia, më ka mbetur në mendje që Vllaznia ka patur një sezon të rregullt. Ka presuar dhe lartë me sistemin që ka zgjedhur. Çdo skuadër ka kaluar oshilacionet e veta. Kështu që shihet se si i bën detyrat skuadra, si sulmon kur ka topin në zotërim dhe në rastet kur e ka humbur. Një pjesë e madhe e Vllaznisë ka qenë me bosht të ulët.
Vllaznia u rregullua që në fillim, një nga kandidatet e para për titullin, mori dhe lojtarë cilësor. Me lojtarë që kanë dhënë garanci. Gjatë kohës i ka vuajtur oshilacionet, ka pasur dëmtime, kundërshtari në anën tjetër bën të vetën si dhe konkurrenca sepse nuk të lë tjetri të fitosh lehtë dhe kjo i ndodhë të gjithave", është shprehur Starova.
Lexo gjithashtu
