Vllaznia
Vllaznia është një nga pretendentet për të fituar titullin kampion të këtij sezoni në “Abissnet Superiore”. E në pritje të sfidave vendimtare të “Final Four”, klubi shkodran krenohet me objektivin e parë të arritur.
Shkodranët do të jenë përsëri në Kupat e Evropës, objektiv të cilin e arrijnë për t gjashtin vit radhazi. Kjo ka mjaftuar që klubi kuqeblu të krenohet me këtë fakt në rrjetet sociale.
“E bëmë përsëri. Gjashtë vite radhazi”, shkruan Vllaznia në faqen zyrtare.
Përsa i përket kampionatit, shkodranët mbajnë vendin e dytë me 60 pikë, 2 më pak se Elbasani kryesues dhe 3 më shumë se Egnatia e vendin të tretë. Vllaznia kërkon titullin pas 25 vitesh.
Poll
