Sulmuesi i Laçit Redon Xhixha luajti për rreth 15 minuta me këmbë të fashuar, pasi donte të luante deri në fund ndaj Partizanit. Për "Supersport", ai zbuloi se si fitoi penalltinë dhe se uroi Esat Malën që të fitonin titullin këtë sezon.
"Kur luan ndaj ekipit të vendit të parë, duhet të sakrifikosh. Barazimi ishte rezultat i drejtë.
Luhatjet në rezultate - Futbolli i tillë është. Fitorja ndaj Skënderbeut na motivoi shumë.
Penalltia - Sulmova topin, kërkova kontakt dhe u rrëzova. Normal, isha brenda zonës.
Lufta për Europën - Ka ende javë. Ne do të luftojmë deri në fund.
Laçi shpërdoroi avantazhin - Patëm shumë raste. Por, po s'shënove do të pësosh. Malën e kam shok e urova që të dilnin kampion, sepse janë me meritë aty ku janë", deklaroi 20-vjeçari
Lexo gjithashtu
