Luftëtari arkivoi humbjen me Teutën, ndërsa nesër do të nisë përgatitjet për takimin kundër Tiranës, i cili është për llogari të javës së tetë të kampionatit.
Ky takim duhet ta gjente në shtëpinë e tij ekipin gjirokastrit, por koha jo e mirë e ditëve të fundit ka ndikuar edhe në ecurinë e punimeve që po bëhen në stadium.
Kjo gjë ka detyruar drejtuesit të kërkojnë një tjetër fushë me qira për javën e tetë, për të zhvilluar ndeshjen e planifikuar në fushën e tyre.
Përjashtohet pista e Vlorës, ndërsa burime pranë klubit bluzi për "newsport.al" tregojnë se ndeshja mund të zhvillohet në "Adush Muçaj" të Ballshit ose në Peqin. Në të dy stadiumet e përmendur më sipër Luftëtari ka luajtur më parë, ku në Ballsh fitoi me Laçin dhe në Peqin barazoi me Vllazninë.
Lexo gjithashtu
