Mesfushori i Spanjës dhe Bayern Mynih në kampionatin gjerman vlerëson Shqipërinë përpara përballjes që do të zhvillojnë mbrëmjen e së dielës në "Loro Boriçi". Në konferencën për shtyp të zhvilluar pak minuta më parë, mesfushori me tipare sulmuese i Spanjës ka bërë analizën e skuadrës së tij, ndërsa ka vlerësuar rezultatin e marrë në Itali ditën e enjte.
"Është skuadër që mund të na surprizojë në çdo moment. Nuk janë vetëm ekipet e mëdha që bëjnë konkurrencë të madhe. Edhe skuadrat e tjera janë rritur në futboll dhe kanë arritur që të jenë në këtë pikë".
"Ne jemi në formë, kemi dëshirë për të luajtur. Ne jemi përgatitur të luajmë ndaj një rivali të fortë. Luajtëm ndaj Italisë, një rivali të fortë. Jemi të lumtur për atë që morëm në Itali, sepse ata kanë futboll të vështirë dhe nuk mund t'iu marrësh kurrë rezultatin e dëshiruar. Duhet të kemi parasysh që ky është barazim i merituar dhe i vlefshëm".
Lexo gjithashtu
