Zvicra mbylli rrugëtimin e saj në Botëror në fazën çerekfinale, pasi u mposht nga Argjentina me rezultatin 1-3. Pas kësaj humbje, që shkaktoi polemika të shumta për shkak të vendimeve të kryesorit, ka patur edhe një reagim nga ana e kapitenit Granit Xhaka, i cili pak minuta më parë ka mbajtur qëndrimin e tij në një postim në rrjetin e tij social në Instagram.
Mesfushori shqiptar shprehet i keqardhur që nuk ia doli dot që Zvicra të prekte gjysmëfinalen, duke thënë se së bashku me shokët e skuadrës lanë shpirtin në fushë vetëm për të bërë realitet një ëndërr të madhe.
Në fund, 34-vjeçari pati edhe një mesazh “thumbues”: Askush nuk na e merr atë që arritëm së bashku.
POSTIMI:
“Nuk ishte e thënë të bëhej.
Dhamë gjithçka, luftuam deri në fund dhe lamë zemrat në fushë.
Ky rrugëtim përfundon këtu, por askush s’mund të na e marrë atë çfarë arritëm së bashku.
Bëmë historinë. Faleminderit të gjithëve që besuan tek ne dhe që qëndruat në anën tonë”.
View this post on Instagram
Lexo gjithashtu
