Skënderbeu rikthehet në Superiore pas një viti mungesë, ndërsa u shpallën edhe kampionë në Kategorinë e Parë. Korçarët tashmë nuk kanë shumë kohë për të pushuar, pasi duhet të nisin menjëherë me ndërtimin e skuadrës për sezonin e ri.
Me konfirmimin e Ivan Gvozdenovic tashmë është radha për të nisur më rinovimet e lojtarëve që trajneri serb i konsideron si pika të rëndësishme për formacionin e tij. Timonieri i cili bëri të mundur rikthimin e skuadrës në elitë dhe kërkon që të ketë një ekip solid për të qëndruar sa më gjatë mes më të mirëve.
Plot 7 lojtarë janë në fundin e kontratës dhe tashmë Ardian Takaj dhe Gvozdenovic janë bërë gati për t’u afruar edhe rinovimet. Kryesisht 3 prej tyre janë kryesorë. Bëhet fjalë për Dean Liço, Elvis Prençi dhe Hektor Idrizaj, të cilët janë konsideruar si boshti i skuadrës. Kontaktet kanë nisur mes palëve, të cilët do të bisedojnë edhe kushtet e kontratës.
Gjithashtu pjesë e listës së lojtarëve në fund kontrate janë edhe Oltian Rapa, Gresild Lika dhe Shkëlzen Ruçi. Edhe Temitropes i përfundon kontrata. Siguata më e vështirë duket me këtë të fundit që edhe kërkesat i ka më të larta.
Lexo gjithashtu
