AF Elbasani padiskuti është skuadra surpizë e këtij sezonit. Vetëm pas dy vitesh krijimi skuadra elbasanase ka arritur të sigurojë ngjitjen në Kategorinë e Parë për sezonin e ardhshëm. Elbasani dominoi çdo kundërhstarë këtë sezon në Kategorinë e Dytë, teksa u shpall kampion në grupin B. Ditën e enjte në “Elbasan Arena” në sfidën ndaj Tepelenës ishte një festë e madhe. Elton Guranjaku padiskutim ka një meritë në këtë sukses, pasi si drejtor sportiv ka arritur të krijojë një grup të konsoliduar lojtarësh. Shpallja kampion e Elbasanit ka emocionuar edhe Klod Duron. Ky i fundit nëpërmjet një postimi në rrjetet sociale ka falenderuar Guranjakun që i ka rikthyer emocionet e Elbasanit të madh, skuadër ku u rrit dhe filloi karrierën. “Elton Guranjaku më riktheu pas shumë vitesh emocionet e Elbasanit të madh, ku u rrita dhe fillova karrierën”, ka shkruar ish-trajneri i Kukësit në postim.

 

View this post on Instagram

 

A post shared by Klodian Duro (@klod_duro)