Erzeni do të duelojë me Tiranën në “Air Albania”, sfidë që do të luhet ditën e dielë në orën 17:00 dhe është e vlefshme për javën e 23-të të Superiores. Njëe duel ku shijakasit do të kërkojnë rikthimin te fitorja.
Gjithashtu në stolin e tyre ka ndryshime. Skerdi Bejzade ka marrë në dorë “frenat” e skuadrës për pjesën tjetër të sezonit, ndërsa Alfred Deliallisi do të jetë pjesë e stafit. Bejzade do të debutojë ndaj Tiranën, ndërsa ka “detyrim” vetëm 3 pikët ndaj bardhebluve.
Kryeqytetasit janë “kafshata” e preferuar e shijakasve, të cilët në dy përballjet e këtij sezonit ia kanë dalë të sigurojnë 6 pikë. Ne duelin e së dielës do të tentojnë të bëjnë të njëjtën gjë dhe të rikthejnë optimizmin në Shijak.
Kujtojmë se aktualisht Erzeni mban vendin e 8-të në tabelën e klasifikimit me 22 pikë pas 22 javësh. Kanë arritur të shënojnë 21 gola dhe të pësojnë 29 të tillë.
Egnatia apo Vllaznia, cili ekip do të shpallet kampion për sezonin 24/25 të Superiores?
-
Egnatia
-
Vllaznia
