Ditën e djeshme, në miqësoren që Partizani luajti kundër Berliner AK 07 në Turqi, pati një mosmarrëveshje mes trajnerit Sulejman Starova dhe mesfushorit Lorenc Trashi. Edhe pse u mendua se fillimisht mund të ishte diçka e zakonshme, nuk ka qenë kështu.
Ka qenë vetë trajneri Sulejman Starova i cili ka sqaruar këtë çështje një pronocim për mediat. I pyetur se pse ka ndodhur kjo gjë, Starova është përgjigjur: "Kam kërkuar zëvendësimin e tij në fushë dhe jo largimin nga Partizani. Janë dy gjëra të ndryshme, por sigurisht që u zhgënjeva nga sjellja e Trashit. Ai është një lotjari i rëndësishëm por nuk mund të dalë mbi Partizanin. As ai, as unë dhe as ndonjë tjetër".
I pyeturse çfarë ndodhi mes Trashit dhe Starovës, trajneri është përgjigjur: "Nisi të ankohej pse u zëvendësua 15 minuta nga fundi në një ndeshje miqësore. A ka kuptim kjo? Si mund të shfryjë një futbollist për një ndeshje miqësore, për të cilat unë them gjithnjë që rezultati vjen në plan të dytë. U ankua për zëvendësimin, dakord, nuk po i kushtojmë rëndësi, por të hedhësh fanelën dhe të ngrindesh gjithë kohën, kjo është e pafalshme", është shprehur Starova.
Lidhur me të ardhmen e Trashit, Starova është shprehur: Nuk e di, kjo pjesë u takon drejtuesve të klubit. Ai bërë një gabim dhe për këtë do të mbajë përgjegjësi. Drejtuesit janë të informuar për gjithçka", ka thënë Starova në fund të fjalës së tij.
Lexo gjithashtu
