Tirana duhet të hedhë prapa krahëve humbjen me Vllazninë në Klasiken e Shqipërisë, pasi tashmë duhet të mendojë për duelin e radhës në kampinët. Përballë do të ketë Kastriotin, i cili ditën e djeshme njoftoi largimin e Ardian Memës dhe zyrtarizoi rikthimin e Emiliano Çelës.
Por për këtë duel Orges Shehi “feston” rikthimin e “motorit” të skuadrës. Albano Aleksi ishte mungesa e madhe ndaj shkodranëve, pasi mesfushori kishte plotësuar numrin 4 të kartonëve të verdhë.
Tashmë ish-lojtari i Teutës e ka shlyer pezullimin dhe do të rimarrë vendin e tij në formacion në sfidën e javës së 22-të. Ndërkohë nga ana tjetër me nga 3 kartonë janë edhe Bekaj, Hila, Iseni dhe najdovski që nëse ndëshkohen në duelin me krutanët do të humbasin sfidën e ardhshme me Teutën.
[caption id="attachment_680250" align="alignnone" width="300"]
Albano Aleksi[/caption]
Lexo gjithashtu
