Emanuel Mensah është një nga lojtarët që nuk ka udhëtuar me skuadrën për ndeshjen e nesërme ndaj Sherif Tiraspol. Sulmuesi ganez duket se nuk preferohet më nga trajneri Lerda dhe në stërvitjet e kryera është parë i diferencuar nga pjesa tjetër e skuadrës sëbashkur me Lukas Kardozo. Burime pranë lojtarit bëjnë me dije për Newsport.al se ditën e premte do të ketë një takim me drejtuesit e klubit për të mësuar më shumë rreth të ardhmes së tij.
Nga një lojtar titullar, Mensah nuk është përfshirë as në 18-she dhe ky një vendim i trajnerit Lerda. Për këtë arsye lojtari do të takohet me drejtuesit e klubit për të mësuar të ardhmen e tij duke parë që ka edhe një vitë kontratë me Partizanin. Në rast të një largim, Tirana e pret me krah hapur duke parë që trajneri Mema e kërkoi edhe gjatë merkatos së janarit dhe nuk do të ishte çudi që Mensah të firmos me bardheblutë.
Lexo gjithashtu
