Shqipëria dhe Italia u përballën mbrëmë në orën 20:45 në një ndeshje miqësore në stadiumin Air Albania. Sfida prodhoi spektakël për tifozët në shkallët e stadiumit por edhe ata nga ekrani. Një ndeshje miqësore por e luftuar çdo minutë sikur të ishte një derbi. Në fakt e tillë mund të quhej pasi në fushën e lojës ishin plot 14 lojtarë nga kampionati i Serie A.
Nga kampi i italianëve ishin nëntë futbollistë ndërsa nga kuqezinjtë, plot pesë luajnë cdo javë në elitën e futbollit italian. Duke filluar nga porta me portierin Berisha i cili luan për Torinon e duke vazhduar më pas me mbrojtjen ku Hysaj, Ismajli dhe Kumbulla veshin fanelat e Lazios, Empolit dhe Romës. Në mesfushë, Nedim Bajrami me Empolin dhe nga stoli talenti Asllani i gjigantëve të Interit.
Lexo gjithashtu
