Vllaznia do të luajë ndaj Laçit sfidën e javës së 13-të të Superiores, takim që do të luhet ditën e premte në “Loro Boriçi” duke nisur që nga ora 17:00. Kuqeblutë nuk e njohin fitoren prje 3 ndeshjesh dhe ndaj kurbinasve do të kërkojnë rikthimin te fitorja.
Qatip Osmani do të tentojë të sigurojë fitoren e parë në stolin e shkodranëve, teksa kuqeblutë do të hyjnë në fushë për “jetë a vdekje”. Një duel ku 3 pikët janë detyrim për të shkelmuar krizën në të cilën ndodhen.
Për ta nuk do të jetë aspak e lehtë, pasi do të ketë edhe mungesa të rëndësishme. Ndaj bardhezinjve nuk do të japë kontributin e tij Bekim Balaj. Kapiteni u ndëshkua me karton të verdhë në duelin me Partizanit dhe në këtë mënyrë ka plotësuar numrin 4-të.
Poll
Lexo gjithashtu
