Partizani do të udhëtojë në Laç për të sfiduar skuadrën e Mirel Josës, sfidë e vlefshme për javën e 11-të të Superiores. Një takim i rëndësishëm për të dyja ekipet që do të startojë në orën 14:00.
Demat janë padiksutim skuadra e momentit në kampionat, teksa kanë arritur të sigurojnë 4 fitore rresht dhe në transfertën e ditës së sotme tentojn ënjë tjetër 3 pikësh. Për të kuqtë nuk do të jetë aspak e lehtë, pasi do të udhëtojnë me mungesa në Laç.
Vetëm në repartin e mbrojtjes do të mungojnë 3 lojtarë, gjë e cila shton “hallet” e Arbër Abilaliaj. Altin Bytyçi është i pezulluar për shkak kartonës, ndërsa Eljon Sota dhe Andi Hadroj nuk janë rikuperuar ende për të qenë të gatshëm për të zbritur në fushë.
Në këto kushte drejtorit sportiv i lind nevoja të ‘arnojë” këtë repart, pasi të gatshëm momentalisht ka vetëm David Atanaskovskin. Kujtojmë se përveç 3 mbrojtësve ndaj kurbinasve do të mungojnë edhe Da Silva dhe Mba, të cilët ende nuk janë në 100% e tyre.
Formacioni i mundshëm: Hoxha, Zekolli, Preka, Kocijan, Atanaskovski, Rrapaj, Mehmeti, Maget, Taipi, Bintsouka, Cara.
Lexo gjithashtu
