Dinamo do të luajë në kryeqytet ndaj Tiranës, një sfidë shumë e rëndësishme për “Blutë”. Në “Selman Stërmasi” në orën 14:00 ekipi i drejtuar nga Dritan Mehmeti do të hyjë në fushë vetëm për 3 pikët.
Rikthimi i Mehmetit te “Blutë” ka sjellë optimizëm dhe tashmë kërkohet që kthesa të bëhet pikërisht në derbi dhe kur vjen në ndeshje të tilla dhe përballë Tiranës, sigurisht shijon më shumë. Kërkohet triumfi për të “shkelmuar” krizën në të cilën ndodhen, teksa mbajnë vendin e fundit në tabelën e klasifikimit me vetëm 7 pikë pas 9 javësh.
Trajneri ka zhvilluar disa ditë stërvitje me ekipin dhe tashmë do të kthejë Dinamon me skemën me 4 mbrojtës, ndryshe nga ajo e përdorur nga Luigi Di Biagio.
Formacioni i mundshëm ndaj Tiranës: Rexhepi, marku, Hoxha, Behiratche, Prodani, Guidiabi, Andoni, Lorran, Zabërgja, Vila, Denison.
Lexo gjithashtu
